I TORNEO DE
PRETEMPORADA
FúTBOL BASE
8 E 9 DE SETEMBRO 2012
INFORMACIÓN E CONTACTO
EMAIL: SDVCABODACRUZ@HOTMAIL.COM
TELF: 647420491 (FRAN) , 679365474 (QUEIRO)
O campo municipal de Vista Alegre,
en Boiro, será escenario o fin de semana do 8 e 9 de septembro, do primeiro torneo de pretemporada de
fútbol base que organiza a Sociedade Deportiva Valiño Cabo de Cruz . Un total de
51 equipos anunciaron a súa presenza nesta competición, que leva a cabo coa
finalidade de que os pequenos poidan comezar a disputar partidos e a coller a
forma física antes de que comece a competición.
Os equipos de prebenjamines,
benxamíns e alevíns entrarán en acción o sábado. Durante todo o día se disputará
a competición, e a partir das sete e media da tarde xogaranse as finais.
O torneo renovarase o domingo pola
mañá coa participación das categorías alevíns e infantís. Os partidos arrincarán
ás nove da mañá nos campos habilitados nas dúas canchas de Vista Alegre.
Catro grupos
Os equipos participantes proceden
de toda a comarca barbancesa e tamén está prevista a presenza de conxuntos de
diferentes puntos de Galicia.
O torneo disputarase na modalidade
de fútbol 8 e haberá 16 conxuntos en cada categoría, que estarán distribuídos en
catro grupos na primeira fase, pasando á seguinte rolda os dous primeiros. Cada
equipo poderá presentar catorce xogadores.
A duración dos partidos será de 25
minutos sen descanso ata cuartos de final.
Triangular
Por outra banda, cabe destacar que
o torneo de infantís disputarase mediante un triangular, no que participan os
equipos do Cabo de Cruz , Sálvora e Boiro, que se enfrontarán entre eles.
Os tres encontros serán o domingo e
o primeiro choque xogarase a partir das once no campo de herba artificial entre
o Cabo de Cruz e o Sálvora. O segundo encontro disputarano o Boiro e o Sálvora,
mentres que o último partido será entre os conxuntos locais a partir das seis.