CALENDARIO DEFINITIVO

LIGA PREBENXAMÍN DE FÚTBOL 8. II EDICIÓN

CONCELLO DE BOIRO

 

 

As últimas novas recibidas desde o Concello, e que divulgamos a través desta web, son as seguintes:

Recibida a confirmación do Portosín de que non podían finalmente participar nesta Liga Prebenxamín de Fútbol 8, rectifícase de novo o calendario, esperando que sexa a última modificación, pois a liga arranca esta fin de semana en Vista Alegre.

As novas modificacións son as seguintes:
-Liga regular de 7 xornadas, onde cada semana descansa 1 equipo.
-Ao remate da liga regular, establécense unhas semifinais para loitar polo título, que as disputarán os catro primeiros equipos clasificados.
-O 5º, 6º e 7º clasificado disputarán un triangular entre eles para establecer finalmente eses mesmos postos na liga, polo que ata o final de todo (25 de maio) non se coñecerán os postos definitivos da liga.

O sistema de competición será o seguinte:

- Competición según a modalidade de fútbol 8.

- A clasificación na liga determinarase según o número de puntos acadados (3 puntos por partido gañado, 1 punto por empate e 0 puntos por partido perdido).

- En caso de empate a puntos, o desempate realizarase seguindo a seguinte orde:

                        * Máis partidos gañados.

                        * Menos partidos perdidos.

                        * Resultado no enfrontamento directo.

                        * Mellor diferenza de goles.

                        * Menos goles encaixados.

                        * Máis goles anotados.

                        * Se aínda así persiste o empate, decidirá a organización.

- Nas semifinais non se contabiliza o valor dobre dos goles en campo contrario. Ao remate do partido de volta, se hai empate a goles, non hai prórroga e realízase unha tanda de penaltis, a 5 lanzamentos. Se despois desta ronda persiste o empate, séguese lanzando “ao fallo”.

- No triangular, o sistema de desempate é o mesmo que o establecido para a liga regular.

- Nas finais, en caso de empate, non hai prórroga. Realizarase unha ronda de 5 penaltis e, se ao final da ronda hai empate, séguese lanzando “ao fallo”.

VER CALENDARIO E RESULTADOS